రండి ఉత్సాహించి పాడుదము
Rmdi Uthsaahimchi Paadudamu
Added on 11/5/2013
Lyrics
రండి ఉత్సాహించి పాడుదము రక్షణ దుర్గము మన ప్రభువే రండి కృతజ్ఞత స్తోత్రముతో రారాజు సన్నిధికేగుదము సత్ప్రభు నామము కీర్తనలన్ సంతోష గానము చేయుదము ||రండి|| మన ప్రభువే మహా దేవుండు ఘన మహాత్యము గల రాజు భూమ్యాగాధపు లోయలును భూధర శిఖరములాయనవే ||రండి|| సముద్రము సృష్టించెనాయనదే సత్యుని హస్తమే భువిజేసెన్ ఆయన దైవము పాలితుల ఆయన మేపెడి గొర్రెలము ||రండి|| ఆ ప్రభు సన్నిధి మోకరించి ఆయన ముందర మ్రొక్కుదము ఆయన మాటలు గైకొనిన అయ్యవి మనకెంతో మేలగును ||రండి|| తండ్రి కుమార శుద్దాత్మకును తగు స్తుతి మహిమలు కల్గు గాక ఆదిని ఇప్పుడు ఎల్లప్పుడూ అయినట్లు యుగములనౌను ఆమెన్ ||రండి||