సమర్ధవంతుడవైన

సమర్ధవంతుడవైన నా యేసయ్యా 
సమస్తము నీకు సాధ్యమేనయ్యా
నా స్తుతి యాగము నీకే
నా ప్రాణార్పణ నీకే
నా సర్వస్వము నీకే
నా జీవన గానము నీకే
||సమర్ధ||
పచ్చిక పట్టులలో నన్ను పదిలముగా
ఉంచువాడవు నీవే యేసయ్యా
ఆత్మ జలములను నవ్యముగా
ఇచ్చువాడవు నీవే యేసయ్యా
నే వెళ్ళు మార్గమునందు నా పాదము జారకుండా
దూతల చేతులలో
నన్ను నిలుపువాడవు నీవే యేసయ్యా
నీ
||సమర్ధ||
శత్రువు చరలోనుండి నను భద్రముగా
నిల్పువాడవు నీవే యేసయ్యా
రక్షణ వస్త్రమును నిత్యము నాపై
కప్పువాడవు నీవే యేసయ్యా
జీవించు దినములన్నియు నాలో పాపము ఉండకుండా
రక్తపు బిందువుతో
నన్ను కడుగువాడవు నీవే యేసయ్యా
నీ
||సమర్ధ||