దేవ సంస్తుతి
Daeva Smsthuthi
Lyricistముంగమూరి దేవదాసు
UncategorizedAdded on 7/23/2016
Lyrics
దేవ సంస్తుతి చేయవే మనసా శ్రీ-మంతుడగు యెహోవ సంస్తుతి చేయవే మనసా దేవ సంస్తుతి చేయుమా నా – జీవమా యెహోవా దేవుని పావన నామము నుతించుమా – నా యంతరంగము లో వసించు నో సమస్తమా ||దేవ|| జీవమా, యెహోవా నీకు – జేసిన మేళ్ళన్ మరువకు నీవు చేసిన పాతకంబులను – మన్నించి జబ్బు లేవియున్ లేకుండ జేయును – ఆ కారణముచే ||దేవ|| చావు గోతినుండి నిన్ను – లేవనెత్తి దయను గృపను జీవ కిరీటముగ వేయును – నీ శిరసు మీద జీవ కిరీటముగ వేయును – ఆ కారణముచే ||దేవ|| యవ్వనంబు పక్షిరాజు – యవ్వనంబు వలెనే క్రొత్త యవ్వనంబై వెలయునట్లుగా – మే లిచ్చి నీదు భావమును సంతుష్టిపరచునుగా – ఆ కారణముచే ||దేవ|| ప్రభువు నీతి పనులు చేయును – బాధితులకు న్యాయ మిచ్చున్ విభుండు మార్గము తెలిపె మోషేకు – దన కార్యములను విప్పె నిశ్రాయేలు జనమునకు – ఆ కారణముచే ||దేవ|| అత్యధిక ప్రేమ స్వరూపి-యైన దీర్ఘ శాంతపరుండు నిత్యము వ్యాజ్యంబు చేయడు – ఆ కృపోన్నతుడు నీ పయి నెపుడు కోప ముంచడు – ఆ కారణముచే ||దేవ|| పామరుల మని ప్రత్యుపకార – ప్రతి ఫలంబుల్ పంపలేదు భూమి కన్న నాకాసంబున్న – ఎత్తుండు దైవ ప్రేమ భక్తి జనులయందున – ఆ కారణముచే ||దేవ|| పడమటికి తూర్పెంత ఎడమో – పాపములను మనకు నంత ఎడము కలుగజేసియున్నాడు – మన పాపములను ఎడముగానే చేసియున్నాడు – ఆ కారణముచే ||దేవ|| కొడుకులపై తండ్రి జాలి – పడు విధముగా భక్తిపరుల యెడల జాలి పడును దేవుండు – తన భక్తిపరుల యెడల జాలిపడును దేవుండు – ఆ కారణముచే ||దేవ|| మనము నిర్మితమయిన రీతి – తనకు దెలిసియున్న సంగతి మనము మంటి వారమంచును – జ్ఞాపకము చేసి కొనుచు కరుణ జూపుచుండును – ఆ కారణముచే ||దేవ|| పూసి గాలి వీవ నెగిరి – పోయి బసను దెలియని వన వాస పుష్పము వలెనె నరుడుండు – నరు నాయువు తృణ ప్రాయము మన దేవ కృప మెండు – ఆ కారణముచే ||దేవ|| పరమ దేవ నిబంధ నాజ్ఞల్ – భక్తితో గైకొను జనులకు నిరతమును గృప నిలిచి యుండును – యెహోవ నీతి తరములు పిల్లలకు నుండును – ఆ కారణముచే ||దేవ||