గుండె బరువెక్కిపోతున్నది

ప్రాణము సొమ్మసిల్లుచున్నది
నా మనసేమో కలవరపడుచున్నది
యేసయ్యా.. ఆదరించ రావా
యేసయ్యా.. బలపరచ రావా
||గుండె||
ప్రాకారము లేని పురముగా నేనుంటిని
ఆదరణ లేక దిగులుతో నేనుంటిని
నెమ్మది లేదాయెనే – శాంతి కరువాయెనే
యేసయ్యా.. ఆధారం నీవే కదా
యేసయ్యా.. నా కాపరి నీవే కదా
||గుండె||
అంధకారంలో నా దీపము ఆరిపోయెనే
అరణ్య రోదనలో ప్రాణము సొమ్మసిల్లెనే
దినదినము నేను కృంగుచున్నాను
యేసయ్యా.. వెలిగించగ రావా
యేసయ్యా.. లేవనెత్త రావా
||గుండె||
ఎక్కడ చూసిననూ నెమ్మది లేదాయెనే
ఎవరిలో చూసిననూ ప్రేమ కరువాయెనే
ఆత్మల భారముతో మూల్గుచున్నానయ్యా
యేసయ్యా.. దర్శించ రావా
యేసయ్యా.. ప్రేమతో నింపుమయా
||గుండె||