కన్నుల నిండుగ
Kannula Nimduga
Lyricistఅనిల్ వేముల
UncategorizedAdded on 10/29/2021
Lyrics
కన్నుల నిండుగ – క్రిస్మస్ పండుగ గుండెల నిండుగ – ఆనందముండుగ పరమ పురినుండే – పరిశుద్ధ దేవుడు పుడమిలో పుట్టెగా – పాపుల బ్రోవగ మహిమలోనుండే – మహిమాత్ముండు మనుజుడాయెగా – మరణము నొందగా రండి చేరి కొలిచెదం – రారండి కలసి పాడుదాం రండి యేసుననుసరించుదాం – పదండి ప్రభుని చూపించుదాం సర్వసృష్టిని మాటతో చేసిన – సార్వభౌముడా నీకు సముడెవ్వరయ్యా లోకపాపమంతయూ మోయవచ్చిన – దైవమానవా నీకు స్థలమే లేదయ్యా చీకటినుండి వెలుగునకు – మరణమునుండి జీవముకు నడిపింప వచ్చిన నజరేయుని – దాటింప వచ్చిన దయామయుని ప్రేమించి వచ్చిన ప్రేమామయుని – క్షమియించ వచ్చిన క్షమాపూర్ణుని ||రండి|| విశ్వమంతయూ వ్యాపించియున్న – సర్వవ్యాపి నీవులేని చోటే లేదయ్యా అంతరంగమంతయూ ఎరిగియున్న – సర్వజ్ఞాని నీకు సాటే లేరయ్యా దాస్యము నుండి స్వాతంత్ర్యమును – శాపము నుండి విడుదలను ప్రకటింప వచ్చిన పుణ్యాత్ముని – రక్షింప వచ్చిన రక్షకుని శాంతిచేయ వచ్చిన శాంతమూర్తిని – విడిపింప వచ్చిన విమోచకుని ||రండి|| ఊహకందని త్రియేకమైయున్న – అద్వితీయుడా నీవే ఆత్మరూపివయ్యా నిన్న నేడు రేపు ఏకరీతిగున్న – నిత్యనివాసి నీకు అంతమే లేదయ్యా సంకెళ్ళనుండి సంబరానికి – ఉగ్రతనుండి ఉదాత్తతకు తప్పింప వచ్చిన త్యాగమూర్తిని – కనికరింప వచ్చిన కరుణశీలుని కృపజూపవచ్చిన కృపాకరుని – దాపుచేరనిచ్చిన దాక్షిణ్యపూర్ణుని ||రండి||