ప్రియ యేసు రాజును

Priya Yaesu Raajunu

Lyricistసీయోను గీతాలు
UncategorizedAdded on 11/5/2013

Lyrics

ప్రియ యేసు రాజును నే చూచిన చాలు
మహిమలో నేనాయనతో ఉంటే చాలు
నిత్యమైన మోక్షగృహము నందు చేరి
భక్తుల గుంపులో హర్షించిన చాలు
||ప్రియ యేసు||
యేసుని రక్తమందు కడుగబడి
వాక్యంచే నిత్యం భద్రపరచబడి
నిష్కలంక పరిశుధ్దులతో పేదన్ నేను
బంగారు వీదులలో తిరిగెదను
||ప్రియ యేసు||
ముండ్ల మకుటంబైన తలను జూచి
స్వర్ణ కిరీటం బెట్టి ఆనందింతున్
కొరడాతో కొట్టబడిన వీపున్ జూచి
ప్రతి యొక్క గాయమును ముద్దాడెదన్
||ప్రియ యేసు||
హృదయము స్తుతులతో నింపబడెను
నా భాగ్య గృహమును స్మరించుచు
హల్లెలూయ ఆమెన్ హల్లెలూయ
వర్ణింప నా నాలుక చాలదయ్యా
||ప్రియ యేసు||
ఆహ ఆ బూర ఎప్పుడు ధ్వనించునో
ఆహ నా ఆశ ఎప్పుడు తీరుతుందో
తండ్రి నా కన్నీటిని తుడుచునెప్పుడో
ఆశతో వేచియుండే నా హృదయం
||ప్రియ యేసు||