స్తోత్రించెదము

స్తోత్రించెదము దైవకుమారుని – నూతన జీవముతో
నిరంతరము మారని రాజును – ఘనంబు చేయుదము
యేసు మా రక్షకుడు – కల్మషము లేనివాడు
సమస్తమును కలిగిన యేసు ప్రభునకే హల్లెలూయ
భయంకరమైన భీతిని గొల్పెడు – జిగట ఊబినుండి
బలమైన హస్తముతో నన్ను ఎత్తి – బండపై స్థిరపరచెన్
కనుపాపగ నను కాయు ప్రభుండు – కునుకడు నిద్రించడు
తనచేతిలో ననుచెక్కిన ప్రభువును చేరి స్తుతించెదము
తల్లిదండ్రియు యెడబాసినను – విడువక కాయును
ఎల్లప్పుడు నేను భజియించెదను – వల్లభుడేసు ప్రభున్
ఆత్మీయ పోరాటమునకు ప్రభువు – ఆత్మశక్తినిచ్చెన్
స్తుతియు నీకే ఘనతయు నీకే – యుగయుగములలోన