సుమధుర స్వరముల గానాలతో

సుమధుర స్వరముల గానాలతో – వేలాది దూతల గళములతో
కొనియాడబడుచున్న నా యేసయ్యా – నీకే నా ఆరాధన
మహదానందమే నాలో పరవశమే
నిన్ను స్తుతించిన ప్రతీక్షణం
(2)        ||సుమధుర||
ఎడారి త్రోవలో నే నడచినా – ఎరుగని మార్గములో నను నడిపినా
నా ముందు నడచిన జయవీరుడా – నా విజయ సంకేతమా
నీవే నీవే నా ఆనందము
(నీవే) నీవే నా ఆధారము
(2)        ||సుమధుర||
సంపూర్ణమైన నీ చిత్తమే – అనుకూలమైన సంకల్పమే
జరిగించుచున్నావు నను విడువక – నా ధైర్యము నీవేగా
నీవే నీవే నా జయగీతము
(నీవే) నీవే నా స్తుతిగీతము
(2)        ||సుమధుర||
వేలాది నదులన్ని నీ మహిమను – తరంగపు పొంగులు నీ బలమును
పర్వత శ్రేణులు నీ కీర్తినే – ప్రకటించుచున్నవేగా
నీవే నీవే నా అతిశయము
(నీకే) నీకే నా ఆరాధన
(2)        ||సుమధుర||